第十二屆香港小特首喺世博嘅收穫實在太豐富，小編繼續同大家分享～
我哋成為第一批去世博嘅香港交流團 (非正式統計）
而我哋第一個去嘅展館就係韓國館，工作人員請我哋喺機器面前排隊，機器上顯示「你認為最可貴嘅嘢係乜嘢」小編就同組員一致回答「愛！」點解佢咁呢？睇埋落去啦
當我哋入到館係身處喺一間全黑嘅大房，突然有唔同顏色嘅光伴隨着音樂射出嚟，原來係一場燈光show ！然後就聽到唔同人嘅聲音原來佢會將旅客嘅答案成為其表演素材之一，嗰種感覺好神奇，雖然大家嘅語言唔一樣，卻形成一個和諧嘅音樂當大家以為已經完咗重未接落嚟我哋就去到另外一間房，嗰度嘅主題係環保技術修復自然環境，韓國研發咗一種氫技術，重可以俾旅客體驗添～ 小編同組員都玩到唔捨得走！今次真係完啦啩，當然未其實韓國館分咗個部份，嚟到最後一part喺一間大房，裏面有一個三面大螢幕，上邊播放住一個女高中生同埋爺爺之間嘅感人音樂劇(偷偷話畀你哋聽，小編嘅組員重睇到眼濕濕添！）完全就係滿足咗我哋嘅視覺同觸覺！
韓國館之後，接落嚟就係我哋唯一一個預約到嘅展館— 未來都市館，佢係成個世博最大嘅展館。
一入到去就見到一個巨型LED曲面螢幕，螢幕上依序播放從人類誕生到形成社會結構，再稱為「Society5.0」嘅未來影像，我哋就好似經歷咗一場時空之旅，每一個曲面都有一個互動式影像，讓每一位旅客，都可以沉浸喺呢一場時空之旅入面。
再入到去就見到唔同時代唔同款式嘅便當，由遠古時期至未來所用到唔同嘅食材，例如遠古時期嘅醃菜醃魚，去到九十年代嘅蛋包飯，再到今時今日營養均衡嘅食物，重預想埋為未來度身訂造嘅便當，反映人類生活嘅變化同科技嘅進步。
我哋亦以螢幕互動嘅遊戲去體驗日本垃圾分類文化，了解如何保護環境。
之後我哋就去咗葡萄牙館整個館嘅外圍就透過繩索製造，遠睇就好似一個波浪咁，而走到入去就好似置身喺海洋裏！用繩索嚟設計正正係藉此呼應海洋呢個主題，同時亦代表喺船上水手們會藉住繩索嚟駕馭未知嘅大海，展現咗繩索點樣應用喺未來嘅設計同建築領域。
最後一站，我哋去咗奢侈品出產國之一嘅法國館，展館內外都好奢華，展覧由多個國際知名時尚奢侈品牌 構成嘅展品傳遞關於「愛」嘅普世訊息、對他人嘅愛、對地球嘅愛，以及對創新嘅熱愛，同時亦展現出法式精湛技藝（小編見到由奢侈行李箱所砌成嘅牆都「哇」咗一聲）
展覽又以一對手嘅雕塑去串連未來嘅新想像，一個由永續、美學與人際連結所共同構築嘅和諧世界。
國家館展示當地特色，而小編都喺唔同嘅展館都見到新科技 嘅設計，例如可以檢查身內指數嘅床同會分析腸胃健康嘅廁所，當中重有體驗活動添 ！
而喺阿童木展館裏，我哋就見到用最新科技做嘅模擬心臟 ，大開眼界 。
最後想分享，世界博覽會入面包含多個展館，每個展館都別具特色，展示咗多種唔同嘅現代科技，同埋加入咗環保同可持續元素。
喺呢啲新科技背後嘅設計同理念圖裏面，我哋都見到大會嘅目標係締造可持續發展嘅未來，當中不乏殘疾人士同兒童有好嘅設施，小編都祝願每個人身邊都有一個咁嘅友好社區。
參觀完咁多展館，梗係唔少得去買手信啦～
好多商店都售賣世博特色嘅手信，最受歡迎嘅當然係世博吉祥物「脈脈」公仔啦！（小編同組員都買咗喔）最後去到傍晚大家先好唔捨得咁走，相信今次嘅體驗大家都有學到嘢帶返香港，我哋亦擁有一個深刻又美好嘅回憶
特約小編
Lilian @lilian._._cos
Smiley @lcl._.0312
Mira @miraloiys
Leave a Reply